Maharashtra | बीड : राज्याच्या बीड जिल्ह्यात शहीद झालेल्या अतिक अहमद आणि त्याचा भाऊ अश्रफ याचे शहीद असल्याचे चित्रण करणारे बॅनर लावल्याप्रकरणी महाराष्ट्र पोलिसांनी बुधवारी तिघांना अटक केली.
बीड जिल्ह्यातील माजलगाव शहरात हे बॅनर लावण्यात आले होते. पोलिसांनी हे बॅनर बघताच हटवले. या बॅनरवर अतिक आणि अश्रफ दोघांना शहीद म्हणून दाखवले होते. मोहसीन भैय्या मित्र मंडळाने लावल्याचे बॅनरवर लिहिले होते.
माजलगावचे पोलिस उपअधीक्षक सपना राठोड यांनी सांगितले की, माजलगावमध्ये अतिक अहमद आणि अश्रफ यांच्या समर्थनार्थ वादग्रस्त बॅनर लावण्यात आले होते. त्यामुळे जातीय तेढ निर्माण होऊ शकते म्हणून पोलिसांनी हे बॅनर तातडीने हटवले आहेत. संबंधितांवर एफआयआर नोंदवला गेला आहे. दोन संशयितांना ताब्यात घेतले असून, कायदेशीर कारवाई सुरू आहे.
बीड पोलिसांनी भारतीय दंड संहितेच्या (आयपीसी) कलम 293, 294 आणि 153 अन्वये दोन एफआयआर नोंदवले असून या प्रकरणात आतापर्यंत चारपैकी तीन आरोपींना अटक केली आहे. मोहसीन पटेलला पकडण्यासाठी छापे टाकण्यात येत आहेत. याप्रकरणी आणखी काही जणांना अटक होण्याची शक्यता आहे.
The banner!
Name of accused – Mohsin Patel.
Location – Majalgaon, Beed, MH. pic.twitter.com/MMWQ6kMcr2— NK (@nirmal_indian) April 19, 2023
बीडमधील गुंड अतिक अहमद आणि त्याचा भाऊ अशरफ अहमद यांना शहीद म्हणून चित्रित करणाऱ्या पोस्टरवर विश्व हिंदू परिषदेने पोलिसात तक्रार दाखल केल्यानंतर आयपीसी कलम 293, 294 आणि 153 अंतर्गत तीन जणांना अटक करण्यात आली आहे, अशी माहिती एएनआय या वृत्तसंस्थेने दिली आहे.
अतिक आणि त्याच्या भावाची गोळ्या झाडून हत्या
उल्लेखनीय म्हणजे, गुंडातून राजकारणी झालेला अतिक अहमद आणि त्याचा भाऊ अशरफ यांची १५ एप्रिल रोजी हत्या करण्यात आली होती. आतिकच्या हत्येतील आरोपी लवलेश तिवारी, मोहित उर्फ सनी आणि अरुणकुमार मौर्य यांना बुधवारी न्यायालयाने ४ दिवसांची पोलीस कोठडी सुनावली आहे. एसआयटीने ७ दिवसांची रिमांड मागितली असली तरी त्यांना फक्त ४ दिवसांचा रिमांड मिळाला आहे.
