नाशिक : लव्ह जिहादचा मुद्दा गेल्या काही दिवसांपासून देशभर चांगलाच तापला आहे. काही राज्यांनी याबाबत कायदा करण्याच्या हालचाली सुरू केल्या आहेत.
त्यातच दिल्ली आणि मुंबईतील काही प्रकरणे समोर आली असून, त्यामुळे राजकीय पक्षांमधील वातावरणही तापले आहे. त्यातून मोर्चेही निघतात.
त्यावर एमआयएमचे खासदार असदुद्दीन ओवेसी यांनी भाष्य केले आहे. यामध्ये असदुद्दीन ओवेसी यांनी भाजपवरच निशाणा साधला आहे. भारतीय राज्यघटनेनुसार कोणीही आपल्या आवडीनुसार लग्न करू शकतो.
जिथे जिथे भाजपची सत्ता आहे तिथे हा कायदा करण्यात आला आहे. हा बनवलेला कायदा बेकायदेशीर आहे, असे लग्न करणारे भाजपमध्ये किती लोक आहेत, असा सवालही असदुद्दीन ओवेसी यांनी उपस्थित केला असून, त्यांनी लव्ह जिहाद म्हणत केंद्र आणि राज्य सरकारवर हल्लाबोल केला आहे.
आपल्याकडे बेरोजगारी, महागाई आणि इतर अनेक समस्या आहेत, कोणी कोणावर प्रेम करत असेल तर काय फरक पडतो? प्रत्येक प्रश्नात जातीवाद आणला जात आहे.
लव्ह जिहाद कायदा कसा सिद्ध करणार? एमआयएमचे खासदार असदुद्दीन ओवेसी म्हणाले की, धर्मांतराबाबत जुना कायदा आहे, ज्यांना आवडेल ते करू द्या.
एमआयएमचे खासदार असदुद्दीन ओवेसी महाराष्ट्र दौऱ्यावर आले आहेत, औरंगाबादनंतर ते नाशिकला आले, असदुद्दीन ओवेसी नाशिकमध्येच थांबले होते.
प्रसारमाध्यमांशी संवाद साधताना खासदार असदुद्दीन ओवेसी यांनी भाजपवर हल्लाबोल करत ‘लव्ह जिहाद’ संदर्भात करण्यात आलेले कायदे बेकायदेशीर असल्याचे सांगितले.
कोणावर प्रेम असेल तर करू द्या, हा घटनेने दिलेला अधिकार आहे, असे म्हणत असदुद्दीन ओवेसी यांनी भाजपच्या किती लोकांनी लग्न केले, असा सवाल केला आहे.
असदुद्दीन ओवेसी यांनीही महाराष्ट्रात लव्ह जिहादविरोधातील मोर्चावर भाष्य केले आहे. त्यात असदुद्दीन ओवेसी यांनी म्हटले आहे की, प्रत्येक प्रश्नाला जातीय रंग दिला जातो.
